தலைப்பு - ஸ்குயின்ட் அறுவை சிகிச்சை - ஸ்ட்ராபிஸ்மஸுக்கு பயனுள்ள சிகிச்சை

அறுவை சிகிச்சையின் போது என்ன நடக்கிறது?

ஆபரேஷன் தியேட்டருக்கு (OT) உங்களை அழைத்துச் செல்லும் முன், நோயாளி (அல்லது ஒரு குழந்தை எனில் பெற்றோர்) ஒரு ஒப்புதல் படிவத்தில் கையெழுத்திட வேண்டும். அறுவை சிகிச்சைக்கு முந்தைய பகுதியில், நோயாளியின் வெப்பனிலை, நாடித்துடிப்பு, ரத்த அழுத்தம், சுவாச விகிதம், ஆக்ஸிஜன் ஆகியவை பரிசோதிக்கப்படுகின்றன. 

கை அல்லது முன் கையுடன் ஒரு இண்டராவெனஸ் லைன் (ஐவி) பொருத்தப்படுகிறது. நோயாளி அறுவை சிகிச்சை அறைக்கு (ஓஆர்) கொண்டு வரப்படுகிறார், மேலும் தூக்கம் அல்லது மயக்கத்தை ஏற்படுத்த நோயாளிக்கு ஜெனரல் அனெஸ்தீஷியா அல்லது லோக்கல் அனெஸ்தீஷியா வழங்கப்படுகிறது. 

அறுவை சிகிச்சையில் பின்வரும் படிநிலைகள் உள்ளன 

• முதலாவதாக, அறுவை சிகிச்சை நிபுணர் கண்ணில் ஒரு லிட் ஸ்பெகுலம் மூலம் கண்ணை திறந்த நிலையில் வைக்கிறார். இரண்டு கண்களின் கண் தசைகளையும் சரி செய்ய வேண்டும் என்றால், இரண்டு கண்களிலும் ஸ்பெகுலம் வைக்கப்படுகிறது. 
• அறுவை சிகிச்சை நிபுணர் கண்ணைச் சுழற்றி, சரி செய்ய வேண்டிய தசைகளைக் கண்டறிய விழி வெண்படலத்தில் ஒரு வெட்டை ஏற்படுத்துவார். 
• வெட்டு ஏற்பட்டவுடன் தசைகள் தெளிவாக தெரியும். 
• ரிசெக்ஷன், ரெசெஷன், அல்லது ப்ளைகேஷன் டெக்னிக் கண் தசையில் உள்ள அசாதாரணத்தை சரிசெய்ய பயன்படுத்தப்படும். 
• தசையை குறுகியதாகவோ அல்லது சிறியதாகவோ ஆக்குவதற்காக சிறிய தசை இழைகளை வெட்டுவதை ரிசெக்ஷன் உட்படுத்துகிறது. பின்னர் தசை மீண்டும் அதன் இடத்தில் தைக்கப்படுகிறது. 
• ரெசெஷன் என்பது கண் தசையை கண்ணுடன் ஒட்டியிருக்கும் இடத்தில் இருந்து பிரித்து மீண்டும் கண்ணின் மீது வேறொரு இடத்தில் பொருத்துவதை உட்படுத்துகிறது. 
• கண்ணின் தசையை மடித்து தைத்து புதிய வடிவத்தையும் அளவையும் உருவாக்குவதை ப்ளைகேஷன் என்கிறோம். 
• பொதுவாக, சரியான இடத்தில் கண் தசையை பாதுகாக்க, அட்ஜெஸ்ட் செய்யக்கூடிய தையல்கள் பயன்படுத்தப்படுகிறது. 
• விழி வெண்படலத்தை சரிசெய்வதற்கு முன்பு, இரண்டு கண்களின் ஒழுங்கமைவை அறுவை சிகிச்சை நிபுணர் உறுதி செய்கிறார். 
• பின்னர் உள்வாங்கும் தையல்களைப் பயன்படுத்தி கன்ஜூன்ட்டிவாவில் செய்யப்பட்ட வெட்டுக்காயம் மூடப்படுகிறது. 

அறுவை சிகிச்சை முடிந்தவுடன் மயக்க மருந்து கொடுப்பது நிறுத்தப்படும். அனஸ்தீசியா குழு உங்களை மீட்பு பகுதிக்கு அழைத்துச் செல்லும் முன் உங்கள் முக்கிய உறுப்புகள் நிலையாக இருப்பதை உறுதி செய்யும். 

அறுவை சிகிச்சைக்குப் பிறகு என்ன நடக்கிறது?

அறுவை சிகிச்சைக்கு பின் உங்களுக்கு உடனடியாக, உன்னிப்பான கண்காணிப்பு தேவை. சிகிச்சை அளிக்கப்பட்ட கண்ணில் தொற்று ஏற்படாமல் இருக்க ஆன்டிபயாடிக் மருந்துகள் கொடுக்கப்படும். வலிக்கான மருந்துகளும் ஐவி லைன் மூலம் கொடுக்கப்படும். அனெஸ்தீஷியா காரணமாக லேசான மயக்கத்தை எதிர்பார்க்கலாம். 

கண் மருத்துவர் சில மணி நேரங்கள் கழித்து உங்கள் கண்ணை பரிசோதிப்பார். சிக்கல்களுக்கான அறிகுறிகள் இல்லை என்றால், மருத்துவர் உங்களுக்கு வீடு திரும்ப அனுமதி அளிப்பார். 

அறுவை சிகிச்சைக்கு பின் கண் பராமரிப்பு மற்றும் தொடர் சிகிச்சை குறித்து மருத்துவ குழுவினரிடம் இருந்து விரிவான அறிவுரைகள் உங்களுக்கு கிடைக்கும். நீங்கள் கவனிக்க வேண்டிய சிக்கல்களின் அறிகுறிகளுக்கான பட்டியலும் உங்களுக்குக் கொடுக்கப்படும். 

ஸ்குயின்ட் அறுவை சிகிச்சையின் நன்மைகள்

ஸ்ட்ராபிஸ்மஸ் அறுவை சிகிச்சையின் நன்மைகள் பின்வருமாறு:

• கண் சீரமைப்பை மேம்படுத்துதல்- ஸ்ட்ராபிஸ்மஸ் அறுவை சிகிச்சையின் மூலம், நோயாளி ஒரே திசையில் பார்க்க முடியும், எனவே கண் சீரமைப்பு சரியாக பராமரிக்கப்படுகிறது. 
• டிப்லோப்பியாவின் குறைப்பு / நீக்கம்- பெரியவர்களுக்கு, டிப்ளோபியா அல்லது இரட்டைப் பார்வை ஏற்பட்டிருந்தால், அறுவை சிகிச்சை இந்த பிரச்சினையைத் தீர்க்கும் மற்றும் இரட்டைப் பார்வைக்கு காரணமான ஸ்ட்ராபிஸ்மஸ்சை அகற்றும். இரட்டைப் பார்வைக்கு வேறு காரணம் இருந்தால், அறுவை சிகிச்சைக்குப் பிறகும் இந்த நிலையே நீடிக்கும். 
• மீட்கப்பட்ட சென்சரி பைனாகுலர் பார்வை- இரு கண்களின் பார்வைப் புலம் ஒன்றுடன் ஒன்று ஒட்டாது என்பதால் ஸ்ட்ராபிஸ்மஸ் கோளாறால் பாதிக்கப்பட்ட நோயாளிகளுக்கு ஆழம் பற்றிய நல்ல புரிதல் இல்லை. ஸ்குவின்ட் அறுவை சிகிச்சைக்குப் பிறகு, பார்வைப் புலன் ஒன்றுடன் ஒன்று இணைந்து, ஆழத்தைப் புரிந்து கொள்ள அனுமதிக்கிறது, மேலும் பொருளின் ஒற்றை 3-டி படம் உருவாகிறது. 
• பைனோகுலர் காட்சி புலத்தின் விரிவாக்கம்- ஸ்குயின்ட் கண் பெரும்பாலும் புறப் பார்வையை 120 டிகிரி வரையிலும் கட்டுப்படுத்துகிறது, இதன் காரணமாக நோயாளி திரும்பாமல் பக்கங்களைப் பார்க்க முடியாது. இந்த அறுவை சிகிச்சைஇந்தப் பிரச்சனையை சரி செய்து பார்வையை 120 டிகிரியில் இருந்து 190 டிகிரி வரை விரிவடையச் செய்கிறது. 
• இயல்புக்கு மாறான தலையின் நிலையை மேம்படுத்துதல்- ஸ்ட்ராபிஸ்மஸ் உள்ள நோயாளிகள் பெரும்பாலும் தங்கள் பார்வையை உகந்ததாக்கவும் இருனோக்கு பார்வையை அடையவும் தலையின் ஒருஅசாதாரண நிலையை (ஆகுலர் டார்டிகோலிஸ்) ஏற்றுக்கொள்கின்றனர். அறுவை சிகிச்சைக்குப் பிறகு, நோயாளி தலையை வழக்கத்திற்கு மாறான நிலையில் வைத்திருக்க வேண்டியதில்லை மற்றும் காலப்போக்கில் பழக்கம் மேம்படும். 
• மேம்படுத்தப்பட்ட சமூகத் திறன்கள் & சுய-பிம்பம் – ஸ்ட்ராபிஸ்மஸ் உள்ள பல நோயாளிகள் மாறுகண் காரணமாக சுய-உணர்வை உணர்கிறார்கள். இந்த அறுவை சிகிச்சையில் அழகு சார்ந்த நன்மைகளும் உண்டு, ஏனெனில் கண்கள் சாதாரணமாகத் தோன்றும். எனவே, நோயாளி கட்டுப்படுத்தப்படுவதை உணரமாட்டார் மற்றும் அவர்களின் சுய தோற்றமும் மேம்படும். 

ஸ்குயின்ட் ஐ அறுவை சிகிச்சைக்கான மாற்று வழிகள்

ஸ்ட்ரபிமஸ் அறுவை சிகிச்சையைத் தவிர, ஸ்குயின்ட் ஐக்கு சிகிச்சை அளிக்க வேறு சில வழிகளும் உள்ளன. இந்த வாய்ப்புகள் வருமாறு – 

• கண் கண்ணாடி அல்லது கான்டாக்ட் லென்ஸ்கள் – இந்த முறையானது லேசான ஸ்ட்ராபிஸ்மஸ் மட்டுமே கொண்டவர்களுக்கும், திருத்தப்படாத ஒளிவிலகல் பிழைகளால் பொருள்களில் கவனம் செலுத்துவதில் சிரமம் உள்ளவர்களுக்கும் பொருந்தும். 
• ப்ரிசம் லென்ஸ்கள்– இவை ஒளியை வளைக்க உதவும் சிறப்பு வகை லென்சுகள் ஆகும். இதனால் அது சரியான கோணத்தில் கண்ணின் உள்ளே நுழைந்து பொருட்களைப் பார்ப்பதற்கு கண்களைத் திருப்புவதைக் குறைக்கிறது. 
• அல்லது கண் பயிற்சிகள்- கண் பயிற்சிகள் சில ஸ்குயின்ட் கண் கேஸ்களில், குறிப்பாக ஒரு நோயாளிக்கு ஒருமுகப்படுத்தல் குறைபாடு இருக்கும் போது வேலை செய்கிறது. 
• மருந்துகள் – சில சந்தர்ப்பங்களில் மாறுகண்களுக்கு சிகிச்சையளிக்க கண் சொட்டு மருந்து அல்லது களிம்புகள் பயன்படுத்தலாம். சிறப்பு ஊசிகள் – போடுலினம் டாக்சின் வகை ஏ ஒரு அதீத செயலில் உள்ள கண் தசையை பலவீனப்படுத்தலாம். ஸ்ட்ராபிஸ்மஸ் அறுவை சிகிச்சையுடன் அல்லது அதற்கு மாற்றாக இந்த முறை பயனுள்ளதாக உள்ளது. 
• பேட்சிங்– இந்த சிகிச்சை முறை ஆம்ப்லியோபியா அல்லது சோம்பேறிக் கண் மற்றும் ஸ்ட்ராபிஸ்மஸ்க்கு ஒரே நேரத்தில் சிகிச்சை அளிப்பதை உள்ளடக்கியது. ஆனால், இது தற்காலிக வாய்ப்பு தான். 

ஸ்குயின்ட் கண் சிகிச்சைக்கு கிடைக்கக்கூடிய அனைத்து சிகிச்சை முறைகளிலும், கண் தசை அறுவை சிகிச்சை முறை தான் சிறந்த முடிவுகளை வழங்குகிறது. 

ஸ்ட்ராபிஸ்மஸ் சிகிச்சை அளிக்காமல் விட்டுவிட்டால் என்னவாகும்?

குழந்தைகளில், ஸ்ட்ராபிமஸ் 4 மாதங்கள் வரை தீவிரமாக இருப்பதில்லை. அதன் பின், இந்த நிலை நீடித்தால், பல்வேறு பிரச்னைகளை ஏற்ப்படுத்தும். எவ்வளவு காலம் மாறுகண்களாக உள்ளனவோ அவ்வளவு காலமும் மூளை அசாதாரணமான கண்ணிலிருந்து வரும் படங்களை புறக்கணிக்கத் தொடங்கும். சிகிச்சையில் தாமதம் ஏற்பட்டால், அறுவை சிகிச்சையை தொடர்ந்து அசாதாரணமான கண்ணின் பார்வையை கட்டுப்படுத்த மூளை மீண்டும் நீண்ட நேரம் எடுக்கும். 

எவ்வளவு சீக்கிரம் முடியுமோ அவ்வளவு சீக்கிரம் ஸ்குயின்ட் கண்ணுக்கு சிகிச்சை அளிக்காவிட்டால் ஏற்படக்கூடிய மற்ற பிரச்சனைகள் பின்வருமாறு- 

• சோம்பேறி கண் அல்லது ஆம்ப்லியோபியா பாதிக்கப்பட்ட கண்ணில் நிரந்தரமான மோசமான பார்வையை ஏற்படுத்துகிறது. 
• மங்கலான பார்வை உங்கள் வழக்கமான வாழ்க்கையைப் பாதிக்கும். 
• பாதிக்கப்படாத கண் பார்வைக்காக அதிக வேலை செய்ய வேண்டியிருப்பதால் கண் அழுத்தமும் சோர்வும் ஏற்படுகிறது. 
• கண்களின் முறையற்ற செயல்பாடுகளால் அடிக்கடி தலைவலி ஏற்படும். 
• கண்களில் இரட்டை பிம்பங்கள் உருவாவதால் இரட்டைப் பார்வை அல்லது மோசமான 3டி பார்வை. 
• கண்களின் தோற்றத்தால் தாழ்வு மனப்பான்மை, தன்னம்பிக்கை குறைபாடு. 

சில அரிதான கேஸ்களில், ஒரு மூளைக் கட்டியும் ஸ்ட்ராபிஸ்மஸ்சுக்கு காரணமாக இருக்கலாம், நீங்கள் உடனடியாக மருத்துவரைச் சந்திக்கவில்லை என்றால் அது கண்டறியப்படாமலே போகும். 

ஸ்குவின்ட் அறுவை சிகிச்சைக்குப் பிறகு குணமாதல் மற்றும் முடிவுகள்

ஸ்குவின்ட் அறுவை சிகிச்சைக்குப் பிறகு குணமடைய சுமார் 4 முதல் 6 மாதங்கள் ஆகலாம். இந்த காலகட்டத்தில், நீங்கள் பல முன்னெச்சரிக்கை நடவடிக்கைகளை எடுக்க வேண்டும் மற்றும் வெற்றிகரமாக குணமாக மருத்துவரின் அறிவுறுத்தல்களை கவனமாகப் பின்பற்ற வேண்டும். 

• அறுவை சிகிச்சைக்குப் பிறகு ஆரம்ப நாட்களில், கண்ணில் இளஞ்சிவப்பு அல்லது சிவப்பு நிறக் கண்ணீர் வருவதைக் காணலாம். இது மறைய சில வாரங்கள் ஆகும். 
• கண்களில் கொஞ்சம் வலி, வீக்கம் இருக்கலாம். இதற்கு மருந்துகள் பரிந்துரைக்கப்படும். மருத்துவரின் ஆலோசனைப்படி மருந்துகளை எடுத்துக் கொள்ளுங்கள். 
• ஒன்று அல்லது இரண்டு நாட்களில் பெரும்பாலான வேலைகளை மீண்டும் தொடங்கலாம். கண்களின் மீது அழுத்தத்தை ஏற்படுத்தும் செயல்களில் நீங்கள் ஈடுபடாமல் பார்த்துக் கொள்ளுங்கள். 
• மேலும், கண்களுக்கு பாதிப்பை ஏற்படுத்தும் விளையாட்டுகள் அல்லது நீச்சல் போன்றவற்றையும் தவிர்க்க வேண்டும். 
• உங்கள் கண்ணின் குணமடைதலைக் கண்காணிக்க தவறாமல் தொடர் சிகிச்சைகளுக்காக கண் மருத்துவரை அணுகவும். 
• உங்கள் உடலின் குணப்படுத்தும் திறனை மேம்படுத்தக்கூடிய ஆரோக்கியமான மற்றும் சமச்சீரான உணவை சாப்பிடுங்கள். 

ஸ்குவின்ட் அறுவை சிகிச்சையின் முடிவுகள் உடனே தெரியும். உங்களால் இரண்டு கண்களையும் பயன்படுத்தி ஒரே திசையில் பார்க்க முடியும். நீண்ட கால நோக்கில், கண் மருத்துவர் நீங்கள் வருடாந்திர கண் பரிசோதனைகளை பெற வேண்டும் என்று கண்டிப்புடன் பரிந்துரைப்பார், இதனால் பார்வை மாற்றங்கள் மற்றும் பிற பிரச்சனைகளை கண்டறிந்து சரியாக கையாள முடியும். கண் மீண்டும் விலகத் தொடங்கினால், திருத்தம் செய்ய மற்றொரு கண் தசை அறுவை சிகிச்சையும் தேவைப்படும்.