முழங்கால் மாற்று - நோய் கண்டறிதல், அறுவை சிகிச்சை & மீட்பு: (Knee Replacement in Tamil)

மூட்டு மாற்று அறுவை சிகிச்சையில் என்ன நடக்கிறது?

நோய் கண்டறிதல் 

எலும்பு தொடர்பான பிரச்னைகளைக் கண்டறிந்து சிகிச்சை அளிப்பதில் எலும்பு மருத்துவர் நிபுணத்துவம் பெற்றவர். அவர் முழுமையாக நோயை கண்டறிய சோதனை செய்கிறார் இதில்-

• நேரடி பரிசோதனையும் அடக்கம், அதன் மூலம் மருத்துவர் முழங்கால் மூட்டு வலி, செயல்பாடு, அறிகுறிகள் போன்றவற்றை மதிப்பிடுவார். 
• இந்த நிலைக்கான காரணத்தை தீர்மானிக்க குடும்பம் மற்றும் மருத்துவ வரலாறு பற்றிய விரிவான உரையாடல்

• எக்ஸ்ரே, எம். ஆர். ஐ, போன்ற பரிசோதனைகள் முழங்கால் மூட்டு செயலிழப்பின் அளவைக் கண்டறிய பரிந்துரைக்கப்படுகிறது

மூட்டு மாற்று அறுவை சிகிச்சை முறை

ஆர்த்ரோஸ்கோபிக் முழங்கால் மாற்று அறுவை சிகிச்சை செய்ய சுமார் 1 முதல் 3 மணி நேரம் ஆகும், பொதுவாக ஜெனரல் அல்லது ஸ்பைனல் அநெஸ்தீஷியா கொடுத்து செய்யப்படலாம். அறுவை சிகிச்சையின் போது, முழங்காலின் முன்பகுதியின் மீது அறுவை சிகிச்சை நிபுணர் வெட்டு ஒன்றை ஏற்படுத்தி மூடுசில்லை வெளிப்படுத்துகிறார். பின்னர், மூட்டின் சேதமடைந்த பாகங்களை அகற்றிவிட்டு, முழங்கால் ப்ரோஸ்தெட்டிக்கை நிலைப்படுத்துகின்றனர். பொதுவாக, ஒரு சிறப்பு எலும்பு, ‘சிமெண்ட்’ மற்றும் ஒரு பிளாஸ்டிக் ஸ்பேசர், முழங்கால் இம்பிளாண்ட்டின் மற்றும் ஒரு குருத்தெலும்பு போல் செயல்படும் மற்றும் மூட்டு இயக்கத்தின் போது உராய்வு குறைக்கும் எலும்புகள் இடையே வைக்கப்படும். பின்னர் காயத்தை மூடி, தையல் அல்லது கிளிப்களை பயன்படுத்தி, காயத்திற்கு கட்டு இடுவார்கள். அறுவை சிகிச்சை மிகக் குறைந்த பட்ச அளவு ஆக்கிரமிப்போடு செய்யப்படுவதால், இரத்தப்போக்கு மிகக் குறைவு.

மூட்டு மாற்று அறுவை சிகிச்சைக்கு தயாராவது எப்படி?

மூட்டு மாற்று அறுவை சிகிச்சை ஒரு முக்கிய சிகிச்சையாகும், எனவே அறுவை சிகிச்சைக்கு முன்பு நீங்கள் நன்கு தயாராக வேண்டும். மூட்டு மாற்று அறுவை சிகிச்சைக்கான முன் ஏற்படுகள் இரண்டு நிலைகளில் செய்யப்படுகிறது: மருத்துவ மற்றும் வீட்டு முன்னேற்பாடு.

மூட்டு மாற்று சிகிச்சைக்கு முன் செய்யப்படும் மருத்துவ முன்னேர்பாடுகளில் அடங்குபவை:

• உங்கள் மருத்துவ வரலாற்றை உங்கள் மூட்டு மாற்று அறுவை சிகிச்சை நிபுணரிடம் தெளிவாக எடுத்துச் சொல்லுங்கள். நீங்கள் ஏற்கனவே ஏதேனும் மருத்துவ நிலைமைகள்,வியாதிகள் மற்றும் அவற்றுக்காக நீங்கள் தற்போது எடுத்துக் கொள்ளும் மருந்துகள் பற்றி உங்கள் எலும்பு மருத்துவருக்கு தெரியப்படுத்துங்கள். நீங்கள் ஆஸ்பிரின், ஸ்டீராய்டுகள், ஓப்பியாய்டுகள் மற்றும் இதுபோன்ற பிற மருந்துகளை எடுத்துக் கொண்டிருந்தால், அறுவை சிகிச்சைக்கு ஒரு வாரத்திற்கு முன்பும் பின்பும் அவற்றின் பயன்பாட்டைக் குறைக்கும்படியோ அல்லது நிறுத்தும்படியோ உங்கள் அறுவை சிகிச்சை நிபுணர் உங்களிடம் கூறலாம்.
• அறுவை சிகிச்சைக்கு முன்னும் பின்னும் புகையிலைப் பயன்பாட்டை நீங்கள் முழுமையாகத் தவிர்க்க வேண்டியிருக்கலாம், நிகோடின் குணப்படுத்தும் செயல்முறையை மெதுவாக்குகிறது மற்றும் நோயாளிக்கு டிவிடி (டீப் வெயின் த்ராம்போசிஸ்) போன்ற அறுவை சிகிச்சைக்குப் பிந்தைய சிக்கல்களை உருவாக்கும் வாய்ப்புகளை அதிகரிக்கிறது.
• உங்கள் மருத்துவ வரலாற்றை உங்கள் எலும்பியல் மருத்துவரிடம் தெரிவிப்பதோடு மட்டுமல்லாமல், நீங்கள் அறுவை சிகிச்சைக்கு உகந்த ஆரோக்கியத்துடன் இருக்கிறீர்களா என்பதை உங்கள் வழக்கமான மருத்துவரிடம் சரிபார்க்க வேண்டும்.
• ஆல்கஹால் அனஸ்தீசியாவிற்கு எதிராக செயல்பட்டு அறுவை சிகிச்சையின் போது சிக்கல்களை ஏற்படுத்தும். எனவே அறுவை சிகிச்சைக்கு முன் குறைந்தது 2-3 நாட்களுக்கு மது அருந்துவதை நிறுத்திவிட வேண்டும்.
• காய்ச்சல், ஜலதோஷம், ஃப்ளூ போன்ற திடீர் நோய்கள் ஏற்பட்டால், உடனடியாக உங்கள் எலும்பு மருத்துவருக்குத் தெரியப்படுத்துங்கள், அதன்படி அவர் அறுவைசிகிச்சை செயல்முறையை மாற்றி அமைக்கக் கூடும்.

இந்தியாவில் மூட்டு மாற்று சிகிச்சைக்கான சராசரி செலவு

இந்தியாவில் மூட்டு மாற்று அறுவை சிகிச்சைக்கு ஆகும் செலவு ஒரு முழங்காலுக்கு 1,80,000 ரூபாய் மற்றும் இரண்டு முழங்காலுக்கும் 4,50,000 ரூபாய் வரை ஆகும். நீங்கள் முழங்கால் மாற்று அறுவை சிகிச்சை செய்துகொள்ள நினைத்தால், நீங்கள் பின்வரும் காரணிகளை கருத்தில் கொள்ள வேண்டும், அதன் அடிப்படையில் அறுவை சிகிச்சைக்கான செலவு மாறுபடலாம்.

• அறுவை சிகிச்சையில் பொருத்தப் பயன்படுத்தப்படும் முழங்கால் மூட்டு வகை
• முழங்கால் மாற்று அறுவைசிகிச்சையின் வகை – மொத்த முழங்கால் மாற்று அல்லது பகுதி முழங்கால் மாற்று
• மருத்துவமனையில் அனுமதிக்கப்படுவதற்கான பொதுவான செலவுகள்
• அறுவை சிகிச்சை நிபுணரின் அனுபவம் மற்றும் ஃபீஸ்
• அறுவை சிகிச்சை அணுகுமுறை – குறைந்தபட்ச ஊடுருவல் அல்லது பாரம்பரிய திறந்த அறுவை சிகிச்சை
• கொடுக்கப்பட்ட மயக்க மருந்து வகை
• நோயாளியின் வயது மற்றும் நீரிழிவு நோய், கல்லீரல் அல்லது நுரையீரல் நோய் போன்ற இணை நோய்கள்
• நீங்கள் சிகிச்சை எடுத்துக்கொள்ளும் நகரம்
• ஃபிசியோதெரபி, புனர்வாழ்வு மற்றும் அறுவை சிகிச்சைக்குப் பிறகான தேவைப்படும் பராமரிப்பு
• காப்பீட்டுப் பாதுகாப்பு

ப்ரிஸ்டின் கேரில் உள்ள சிறந்த எலும்பியல் மருத்துவர்களை அணுகி, முழங்கால் மாற்று அறுவை சிகிச்சைக்கான சராசரி செலவைப் பெறுங்கள். 

முழங்கால் மாற்று அறுவை சிகிச்சையின் நன்மைகள்

பாரம்பரிய முழங்கால் மாற்று அறுவை சிகிச்சையுடன் ஒப்பிடும்போது குறைந்த அளவு ஆக்கிரமிப்பு முழங்கால் மாற்று அறுவை சிகிச்சை செய்வதன் சில நன்மைகள் கீழே கொடுக்கப்பட்டுள்ளன-

• சிறிய வெட்டுக்கள் (பெரும்பாலும் 3 முதல் 4 அங்குலம்)
• மீட்பு காலம் குறைவானது 
• முழங்கால் மாற்று அறுவை சிகிச்சையின் போது அதிக ரத்தப்போக்கு ஏற்படுவதற்கான வாய்ப்புகளை குறைவு.
• வழக்கமான மூட்டு மாற்று அறுவை சிகிச்சையை விட வெற்றி விகிதம் இதில் அதிகமாக உள்ளது.
• குறைந்த அளவு ஆக்கிரமிப்பு முழங்கால் மாற்று அறுவை சிகிச்சையில் நோய்த்தொற்று ஏற்படுவதற்கான வாய்ப்புகள் குறைவு. 

முழங்கால் மாற்று அறுவை சிகிச்சைக்குப் பிறகு உங்களை கவனித்துக் கொள்ளுதல்

மூட்டு மாற்று அறுவை சிகிச்சைக்குப் பிறகு, குறிப்பாக உங்கள் அறுவை சிகிச்சைக்குப் பிறகு முதல் சில வாரங்களுக்கு, நீங்கள் உங்கள் முழங்காலை எவ்வாறு பயன்படுத்துகிறீர்கள் என்பதில் கவனமாக இருக்க வேண்டும், உங்கள் மருத்துவர் உங்களால் முடிந்த அளவுக்கு விரைவில் நடக்க உங்களை ஊக்குவிப்பார். வாக்கிங் எய்ட் அல்லது சப்போர்ட் உதவியுடன் நீங்கள் நடக்கத் தொடங்கலாம். ஆனால் சிறிது நேரத்திலேயே, பெரும்பாலான நோயாளிகள் தானாகவே நடந்து செல்வதை வசதியாக உணர்கிறார்கள். 

முழங்கால் மாற்று அறுவை சிகிச்சைக்குப் பிறகு குணமடையும் காலமான முதல் 3 மாதங்களில் நீங்கள் எதிர்பார்க்கக்கூடிய முன்னேற்றத்தின் பொதுவான காலவரிசை இங்கே உள்ளது-  

• உங்கள் அறுவை சிகிச்சைக்கு ஒரு மாதத்திற்குப் பிறகு –வாகனம் ஓட்டுதல், நடைபயிற்சி, வீட்டு வேலைகள் மற்றும் தினசரி வேலைகள் போன்ற குறைந்த தாக்கத்தை ஏற்படுத்தும் தினசரி செயல்பாடுகளை ஒருவர் தொடங்க முடியும்.
• உங்கள் அறுவை சிகிச்சைக்கு இரண்டு மாதங்களுக்குப் பிறகு- இரண்டாவது மாத இறுதியில், பெரும்பாலான நோயாளிகள் நீச்சல், பைக்கிங் மற்றும் நீண்ட நடைப்பயிற்சி போன்ற குறைந்த தாக்கம் கொண்ட உடல் செயல்பாடுகளைத் தொடங்க அனுமதிக்கப்படுகிறார்கள். இருப்பினும், உங்கள் மீட்சி மற்றும் நலத்தைப் பொறுத்து, உங்கள் மருத்துவர் இதுபோன்ற நடவடிக்கைகளை மீண்டும் தொடங்குவதற்கு முன்பு இன்னும் சில நாட்கள் அல்லது வாரங்கள் காத்திருக்க அறிவுறுத்தலாம். 
• உங்கள் அறுவை சிகிச்சைக்கு மூன்று மாதங்களுக்குப் பிறகு- நீங்கள் ஓட்டம் அல்லது உங்களுக்கு விருப்பமான பிற செயல்பாடுகள் போன்ற சில உயர் தாக்க உடல் செயல்பாடுகளுக்கு நீங்கள் திரும்பலாம். இதை செய்வதற்கு முன்பு உங்கள் மருத்துவரின் ஒப்புதலைப் பெற வேண்டும். உங்கள் எலும்பியல் மருத்துவர் நீங்கள் இந்த செயல்பாடுகளை மெதுவாகத் தொடங்கவும் உங்களுக்கு நீங்களே நேரம் ஒதுக்கவும் பரிந்துரைப்பார். கடைசியாக, நீங்கள் முன்பு செய்து பழக்கப்பட்ட அளவுக்கு மீண்டும் செயல்பட முடியும். 

முழங்கால் மாற்று அறுவை சிகிச்சையில் ஏதேனும் ஆபத்துகள் உள்ளனவா?

முழங்கால் மாற்று அறுவை சிகிச்சை மேம்பட்ட மற்றும் குறைந்த அளவு ஆக்கிரமிப்பு நுட்பங்களுடன் செய்யப்படுகிறது, அதாவது ஆர்த்ரோஸ்கோபி. ஆனால், மற்ற அறுவை சிகிச்சைகளைப் போலவே, முழங்கால் மாற்று அறுவை சிகிச்சையும் உங்கள் எலும்பு அறுவை சிகிச்சை நிபுணருடன் காலந்தாலோசிக்கக் கூடிய ஒரு சில சாத்தியமான அபாயங்களை உட்படுத்தலாம். அபாயங்களில் சில- 

• தொற்றுனோய்கள்
• மூட்டு மாற்று அறுவை சிகிச்சையின் போது அல்லது அறுவை சிகிச்சைக்குப் பின் ஏற்படும் எலும்பு முறிவு
• எலும்பு சிமெண்ட்டினால் ஏற்படக்கூடிய ஒவ்வாமை
• பாதிக்கப்பட்ட முழங்கால் மூட்டைச் சுற்றி நரம்பு மற்றும் தமனியில் ஏற்படும் சேதம்
• முழங்கால் மாற்று அறுவை சிகிச்சையின் போது கொடுக்கப்பட்ட மயக்க மருந்தின் மோசமான எதிர்வினை
• அதிகப்படியான தழும்பு திசு வளர்ச்சி
• அறுவை சிகிச்சைக்குப் பின் முழங்கால் மூட்டில் வலி மற்றும் இறுக்கம்
• ஆழமான நரம்பு இரத்த உறைவுக்கான வாய்ப்புகள் 

மூட்டு மாற்று வகைகள்

• முழு மூட்டு மாற்று அறுவை சிகிச்சை (டிகேஆர்)

இந்த அறுவை சிகிச்சையின் போது, எலும்பியல் அறுவை சிகிச்சை நிபுணர் சேதமடைந்த மூட்டுக்கு பதிலாக செயற்கை அல்லது உருவாக்கப்பட்ட மூட்டை பொறுத்துகிறார். ஏதேனும் காயம் அல்லது எலும்பு சிதைவு நோய்களின் காரணமாக எலும்புகள் கடுமையாக சேதமடைந்திருந்தால் இது பெரும்பாலும் பரிந்துரைக்கப்படுகிறது.

• பகுதி மூட்டு மாற்று சிகிச்சை

பகுதி மூட்டு மாற்று சிகிச்சைகளில், முழங்கால் மூட்டின் ஒரு பகுதி மட்டுமே சிதைந்திருக்கும். . எனவே, பாதிக்கப்பட்ட பக்கத்திற்கு மட்டும் மூட்டு மாற்ற அறுவை சிகிச்சை நிபுணர் பரிந்துரைக்கிறார், இது பகுதி மூட்டு மாற்று என்று அழைக்கப்படுகிறது.

• திருத்துதல் அல்லது சிக்கலான மூட்டு மாற்று

கடுமையான மூட்டு அழற்சியால் பாதிக்கப்பட்டவர்களுக்கு முழு மூட்டுச் செயல்பாட்டை மீட்டெடுக்க இரண்டு முதல் மூன்று முறை முழங்கால் மாற்று பரிந்துரைக்கப்படலாம். இந்த அறுவை சிகிச்சையில், பாதிக்கப்பட்ட முழங்கால் மூட்டுக்கு அதிக ஸ்திரத்தன்மையை வழங்குவதற்காக அறுவை சிகிச்சை நிபுணர் ஒரு மாற்றியமைக்கப்பட்ட இம்பிலேன்டை பயன்படுத்துகிறார்.

• மூட்டு சில்லு மாற்று

இது பட்டேல்லோஃபீமோரல் ஆர்த்ரோபிளாஸ்டி என்றும் அழைக்கப்படுகிறது. முழங்கால் மூட்டின் மேற்பரப்பின் கீழ் பகுதி சிதைவு நோய்களால் பாதிக்கப்படும் போது, முழங்கால் மூட்டின் சில்லுப் பகுதிக்கு மாற்று அறுவை சிகிச்சையை அறுவைசிகிச்சை நிபுணர் பரிந்துரைக்கிறார்.

கேஸ் ஸ்டடி

அக்ஷி சவுகான் (மாற்றப்பட்ட பெயர்) பிரிஸ்டின் கேர் நிறுவனத்தை அணுகி, எங்கள் மருத்துவ ஒருங்கிணைப்பாளர் ஒருவரைத் தொடர்பு கொண்டார். இடது முழங்காலில் கடுமையான வலி மற்றும் வீக்கம் இருப்பதாகக் கூறிய அவர், இதன் காரணமாக அவர் நடப்பதிலும் காலை அசைப்பதிலும் பிரச்சினைகளை எதிர்கொண்டார்.  

எங்கள் மருத்துவ ஒருங்கிணைப்பாளர் எங்கள் எலும்பியல் மருத்துவ நிபுணரான டாக்டர் அபிஷேக் பன்சாலை சந்திக்க முன்பதிவு செய்தார். நோயின் தீவிரத்தை மதிப்பிட அவர் உடல் பரிசோதனைக்கு பரிந்துரைத்தார். அவருக்கு விளையாட்டு காயம் ஏற்பட்டுள்ளதாக மருத்துவரிடம் தெரிவித்த அவர், இந்த சம்பவத்திற்கு பின்னர் வலி ஏற்படத் தொடங்கியது என்றும் கூறினார். முழங்கால் மூட்டு மற்றும் எலும்பு பற்றிய தெளிவான விவரத்தைப் பெற எக்ஸ்ரே, எம். ஆர். ஐ மற்றும் பிற இமேஜிங் சோதனைகள் உட்பட சில நோய் கண்டறியும் சோதனைகளை மருத்துவர் பரிந்துரைத்தார்.

நோயறிதல் சோதனைகளின் முடிவுகளைப் பெற்ற பின்னர், டாக்டர் பன்சால் முழங்கால் எலும்பு சிதைவு பற்றி நோயாளிக்கு தெரிவித்து பகுதி முழங்கால் மாற்று அறுவை சிகிச்சை செய்து கொள்ளும் படி அறிவுறுத்தினார். மூன்று நாட்கள் மருத்துவமனையில் இருந்த அவர், அறுவை சிகிச்சைக்கு பின்னர் எந்த மாறுபட்ட அறிகுறிகளும் இல்லாததால் டிஸ்சார்ஜ் செய்யப்பட்டார். டாக்டர் பன்சால் – சுகமான குணமடைவதற்கான கால அளவு மற்றும் திட்டமிடப்பட்ட 3 தொடர் ஆலோசனைகளுக்கான சில வழிகாட்டுதல்கள்களை வழங்கினார். 

திருமதி சவுகான் 5 வாரங்கள் பிசியோதெரபி சிகிச்சை மேற்கொண்டு வெற்றிகரமாக குணமடைந்தார். முழங்கால் மூட்டின் ஸ்திரத்தன்மை மற்றும் இயக்கத்தை மீட்டெடுக்க இந்த அறுவை சிகிச்சை உதவியது. இப்போது அவர் எந்த சிரமமும் இல்லாமல் விளையாட்டை விளையாடுகிறார்.