லிபோமா அறுவை சிகிச்சையில் என்ன நடக்கிறது?
நோயை கண்டறிதல்
ஆரம்ப ஆலோசனையின் போது, மருத்துவர் முதலில் லிபோமாவை பரிசோதனை செய்வார். தோலின் நிறத்தில் உள்ள கட்டி லிபோமா அல்லது லிபோசார்கோமாவின் (புற்றுநோய் தோல் கட்டிகள்) அறிகுறிகளை வெளிப்படுத்துகிறதா என்பதை மருத்துவர் அடையாளம் காண்பார். தோற்றத்தில் இருந்தே லிப்போமா, லிப்போசார்கோமா மற்றும் பிற வடிவிலான சிஸ்ட்களை வேறுபடுத்துவது கடினமாக இருக்கலாம்.
எனவே, லிபோமா நகர்கிறதா என்று டாக்டர் தொட்டுப் பார்ப்பார். லிபோமா வலியை ஏற்படுத்துகிறதா என்பதையும் மருத்துவர் பரிசோதிப்பார். பொதுவாக லிபோமாக்கள் வலி ஆற்றவை என்றாலும், அவை சில சமயங்களில் இரத்தக் குழாய்களின் மேல் உருவாகி, வலியையும் அசௌகரியத்தையும் ஏற்படுத்தும்.
வலி இருந்தால், அந்த நோயைத் துல்லியமாகக் கண்டறிய மருத்துவர் ஆய்வகப் பரிசோதனைகளுக்கு உத்தரவிடுவார்.
- பையாப்சி- புற்றுநோய் வளர்ச்சியின் அறிகுறிகளைக் காண தோல் கட்டியின் திசு மாதிரி சேகரிக்கப்படுகிறது.
- எக்ஸ்-ரே – இந்த சோதனை, லிபோமாவின் அடர்த்தியான அமைப்பைப் பற்றிய தெளிவைத் தரும்.
- எம்ஆர்ஐ- இந்த சோதனை, கொழுப்புத் திண்மம் மற்றும் அதன் சரியான இடம் பற்றிய சிறந்த படங்களை உருவாக்கும்.
- சி. டி. ஸ்கேன் – கட்டியானது கொழுப்பு திசுக்களால் ஆனது என்பதை உறுதி செய்யவும் தோலுக்கு அடியில் உள்ள கொழுப்புத் திசுக்களைப் பார்க்கவும் இது செய்யப்படுகிறது.
சிகிச்சைமுறை
பரிசோதனை முடிவுகளின் பகுப்பாய்வுக்குப் பிறகு, மருத்துவர் மிகவும் பொருத்தமான சிகிச்சை முறையைத் தேர்ந்தெடுத்து, பின்வரும் சிகிச்சை முறையைத் தொடர்வார்
அறுவை சிகிச்சையின் போது, நோயாளி ஆபரேஷன் தியேட்டருக்கு அழைத்துச் செல்லப்பட்டு, அறுவை சிகிச்சை செய்யப்படுகிறது. இதன் படினிலைகள் கீழே கொடுக்கப்பட்டுள்ளன:
- அதை மரத்துப்போகச் செய்வதற்காக லோக்கல் அனெஸ்தீஷியா கொடுக்கப்படுகிறது. லிபோமா அளவு பெரியதாக இருந்தால், வலி இல்லாத முறையில் அறுவை சிகிச்சையை மேற்கொள்ள பிராந்திய அல்லது பொது அனஸ்தீசியா பயன்படுத்துமாறு அனஸ்தீசியா நிபுணர் பரிந்துரைக்கலாம்.
- லிபோமாவைச் சுற்றி ஒரு வெட்டுக்காயம் செய்யப்படுகிறது, அதன் வழியாக லிப்போசக்ஷன் கனுலா செலுத்தப்படுகிறது. கொழுப்பு திசுக்களை உருகச் செய்யவோ அல்லது திரவமாக்கவோ முறையே லேசர் அல்லது அல்ட்ராசவுண்ட் அலை உமிழ்ப்பான் செயல்படுத்தப்படுகிறது.
- கொழுப்பு படிவுகள் உடைந்தவுடன், அவை பாதுகாப்பாக வேஃக்யும் கருவி மூலம் பிரித்தெடுக்கப்படுகின்றன.
- கொழுப்புத் திசுக்கள் லிபோசக்ஷனுக்குப் பிறகு விடுப்பட்டால், அவை நேரடியாக ஒரு ஸ்கால்பெல் மூலம் நீக்கப்படும்.
- இந்த வெட்டுக்காயம் பொதுவாக தானாகவே குணமாகும் படி விடப் படுகிறது. அது குணமாகும்போது, வெளியே தெரியக் கூடிய தழும்பு எதுவும் இல்லாமல் காயம் முழுமையாக மறைந்து விடும்.
Aditya Birla Health Insurance Co. Ltd.
National Insurance Co. Ltd.
Bajaj Allianz General Insurance Co. Ltd.
Bharti AXA General Insurance Co. Ltd.
Future General India Insurance Co. Ltd.
HDFC ERGO General Insurance Co. Ltd.
.svg)
