லிபோசக்ஷன் அறுவை சிகிச்சை (Liposuction Surgery Meaning in Tamil)

அபாயங்களும் சிக்கல்களும்

அறுவை சிகிச்சை நடைபெறும் போது 

லிபோசக்ஷன் என்பது அறுவை சிகிச்சை என்பதால், இந்த அறுவை சிகிச்சையில் சில ஆபத்துகளும் சிக்கல்களும் இருக்கும் என்பது வெளிப்படையாகத் தெரிகிறது. நல்ல செய்தி என்னவென்றால், உலகம் முழுவதும் செய்யப்பட்ட லிபோசக்ஷன் அறுவை சிகிச்சைகளில், 5% க்கும் குறைவான மக்கள் சிறிய சிக்கல்களை அனுபவிக்கின்றனர். 

செயல்முறையின் போது, ஆபத்துக்கள் உள்ளன

• மயக்க மருந்தின் எதிர்வினை
• நோய்த்தொற்று 
• நரம்புகள், ரத்த நாளங்கள், தசைகள் அல்லது உறுப்புகளுக்கு பாதிப்பு
• கனுலாவின் கையால் இயக்குவதால் ஏற்படும் எரிச்சல் அல்லது வெப்ப காயம் 
• உடலில் இருந்து ஏராளமான திரவங்கள் உட்செலுத்தப்பட்டு வெளியேற்றப்படுவதால் ஏற்படக்கூடிய சிறுநீரகம் அல்லது இதயப் பிரச்சனைகள்

மருத்துவர் அறுவை சிகிச்சை செய்யும் போது சிக்கல்கள் ஏற்படலாம். அதனால்தான், இந்த அபாயங்களை எளிதாகக் குறைத்து, துல்லியமாக அறுவை சிகிச்சையை செய்யக்கூடிய மிகவும் அனுபவம் வாய்ந்த அறுவை சிகிச்சை நிபுணரின் பராமரிப்பில் நீங்கள் எப்போதும் லிப்போசக்ஷன் (liposuction) செய்துகொள்ள வேண்டும் என்று பரிந்துரைக்கப்படுகிறது.

அறுவை சிகிச்சை முடிந்த பிறகு

அறுவை சிகிச்சையின் போது ஏற்படும் சிக்கல்களைத் தவிர, அறுவை சிகிச்சைக்குப் பிந்தைய வேறு சில சிக்கல்களும் உங்கள் உடல்நலத்தையும் லிபோசக்ஷன் முடிவுகளையும் பாதிக்கும். அதனுள் அடங்குபவை:

• சிராய்ப்பு மற்றும் உடலில் திரவம் தேங்குதல் 
• சிகிச்சை பெற்ற இடத்தில் வழக்கத்தை விட அதிக நேரம் நீடிக்கக் கூடிய மரத்துப்போன உணர்வு 
• தோலின் உணர்திறனில் ஏற்படும் மாற்றங்கள் அல்லது தோற்றத்தில் ஏற்படும் மாற்றங்கள் 
• கம்ப்ரெஷன் உடைகளைப் பயன்படுத்திய பிறகும் குறையாத வீக்கம் 
• காயத்தின் குறைவான குணமடையும் தன்மை 
• குறைவான நெகிழ்வுத்தன்மையின் காரணமாக சீரற்ற அல்லது தடித்த சருமம் 
• ஆழமான இரத்த நாள உறைவு காரணமாக ஏற்படும் நுரையீரல் வீக்கம் (பல்மனேரி எடிமா) அல்லது ஏம்பாலிசம் 
• செல்லுலைட் மோசமடைதல் 

பொதுவாக மருத்துவர் லிபோசக்ஷன் சிகிச்சையை மேற்கொள்ளத் தொடங்கும் முன்பே இந்த அனைத்து ஆபத்துக்களும் கண்டறியப்படுகின்றன. இருப்பினும், நோயாளி மருத்துவரின் அறிவுறுத்தல்களைப் பின்பற்றத் தவறினால் மற்றும் குணமடையும் காலத்தில் அவர்களின் ஒட்டுமொத்த ஆரோக்கியத்தில் கவனம் செலுத்தாவிட்டால், இந்த சிக்கல்களில் எதுவும் ஏற்படலாம்.

லிப்போசக்ஷனுக்குப் பிறகு என்ன எதிர்பார்க்கலாம்?

அறுவை சிகிச்சை முடிந்தவுடன், சிகிச்சை அளிக்கப்பட்ட பகுதிகளில் சிறிது சிறிதாக சிராய்ப்பு மற்றும் வீக்கம் ஏற்படுவதை நீங்கள் எதிர்பார்க்கலாம். அத்துடன் அந்த பகுதியில் சிறு வலி, மரத்துப்போதல் போன்றவையும் ஏற்படும். 

கூடுதல் உடல் திரவம் சரியாக உடலில் இருந்து வெளியேற்றப்படுவதை உறுதி செய்ய ஒரு சிறிய வடிகால் திறந்த நிலையில் விடப்படும். நோய்த் தொற்று ஏற்படாமல் இருக்க சில ஆன்டிபயாடிக் மருந்துகளையும் மருத்துவர் பரிந்துரைப்பார். நீங்கள் வசதியாக உணரும் போது சில நாட்களுக்குப் பிறகு நீங்கள் நடக்கத் தொடங்கலாம். வீக்கத்தைக் குறைக்கவும் உங்கள் கால்களில் இரத்தம் உறைவதைத் தடுக்கவும் முதல் சில நாட்களுக்கு முழுமையாக ஓய்வெடுக்க மருத்துவர் அறிவுறுத்தலாம். 

வீக்கத்தைக் குறைக்கவும், உங்கள் உடல் வடிவத்தை அதிகரிக்க தோல் மற்றும் அடிப்படை தசைகள் சரியாகச் சரி செய்யப்படுவதை உறுதி செய்யவும் சில வாரங்களுக்கு நீங்கள் அணிய வேண்டிய ஒரு சுருக்க ஆடையையும் மருத்துவர் உங்களுக்கு வழங்குவார்.

லிபோசக்ஷன் செய்துகொள்ள பொருத்தமானவர் யார்?

நீங்கள் லிபோசக்ஷன் செய்யலாமா வேண்டாமா என்று ஒரு பிளாஸ்டிக் அறுவை சிகிச்சை நிபுணரை அணுகும்போது, முதலில் நீங்கள் சிகிச்சை செய்து கொள்ள விரும்பும் காரணங்களை அவர்கள் புரிந்து கொள்ள முயற்சிப்பார்கள். நீங்கள் லிபோசக்ஷன் செய்துகொள்ளத் தகுதியான அளவுகோலுடன் பொருந்துகிறீர்களா இல்லையா என்பதை மருத்துவர் தீர்மானிக்கிறார். அடிப்படைத் தேவைகளாய் இதில் அடங்குபவை:

• உடலின் சீரான எடையில் 30% க்குள் இருப்பது.
• தோல் நல்ல நெகிழ்வுத்தன்மை உடனும் மற்றும் உறுதியான மற்றும் கட்டுக்கோப்பான தசைகள் உள்ளது. 
• அறுவை சிகிச்சை பற்றிய எதார்த்தமான எதிர்பார்ப்புகளை வைத்திருத்தல். 
• ஆரோக்கியமான வாழ்க்கை முறையை பின்பற்ற வேண்டும்.
• புகைப்பிடிக்கும் பழக்கமோ, போதைப் பழக்கமோ இல்லாதவராக இருக்க வேண்டும். 
• ஆரோக்கியமான நிலையில் இருப்பது, அதாவது, உங்கள் உடலின் குணப்படுத்தும் திறன்களை பாதிக்கும் எந்த மருத்துவ நிலையையும் நீங்கள் கொண்டிருக்கக் கூடாது. 

உங்கள் ஆலோசனையின் போது, உணவு மற்றும் உடற்பயிற்சி மூலம் நீங்கள் கொழுப்பைக் குறைக்க முயற்சிக்க வேண்டும் என்று மருத்துவர் பெரும்பாலும் பரிந்துரைப்பார். அது வேலை செய்யவில்லை என்றால், அதன் பிறகே மருத்துவர் லிப்போசக்ஷன் செய்ய பரிந்துரைப்பார்.

லிப்போசக்ஷனின் நன்மைகள்

லிப்போசக்ஷனில் பல்வேறு ஆரோக்கிய நன்மைகள் உள்ளன. அதனால் தான் அதிக அளவிலான மக்கள் இந்த முறையை தேர்வு செய்கின்றனர். இதில் உள்ள சில முக்கிய மருத்துவ பலன்கள் கீழே கொடுக்கப்பட்டுள்ளன 

• உடலில் உள்ள அழற்சி செல்களை 11% குறைக்கிறது இந்த அழற்சி செல்கள் இதய நோய்களுடன் தொடர்புடையவை. செல்கள் குறைக்கப்படுவதால், நோயாளிக்கு இதய நோய் வருவதற்கான வாய்ப்பும் குறைகிறது. 
• இரத்தத்தில் உள்ள கொழுப்பின் அளவைக் குறைக்கிறது, அதாவது ட்ரைகிளிசரைடுகளை குறைக்கிறது. இந்த முறையை மேற்கொள்ளும் நோயாளிகளுக்கு டிரைகிளிசரைடுகள் 43% வரை குறைவாக உள்ளன, அதாவது கொலஸ்ட்ரால் பிரச்சனைகள் ஏற்படுவதற்கான வாய்ப்புகள் குறைவு. 
• லிப்போசக்ஷனுக்குப் பிறகு, சிறந்த பலனைப் பெறவும், அவற்றைத் தக்க வைத்துக் கொள்ளவும் ஒரு நோயாளி ஆரோக்கியமான வாழ்க்கை முறையைக் கடைப்பிடிப்பது அவசியம். ஒரு ஆரோக்கியமான உணவுப் பழக்கம் மற்றும் உடற்பயிற்ச்சிகள் நோயாளியின் வழக்கமான வாழ்க்கையின் ஒரு பகுதியாக மாறும்போது, அது இறுதியில் நேர்மறையான தாக்கத்தை ஏற்படுத்துகிறது. 
• லிபோசக்ஷன் செய்து கொள்ளும் மக்களின் சுய மதிப்பு மற்றும் நம்பிக்கை வியத்தகு அளவில் மேம்படுகிறது. பெரும்பாலானவர்கள் சில ஆடைகளை அணிவதையோ அல்லது அவர்களின் தோற்றம் பற்றியோ நிறைவாக உணர்வதில்லை. லிப்போசக்ஷன் அதை மாற்றுகிறது மற்றும் தனிநபரின் உடல் தோற்றத்தில் நம்பிக்கையை ஏற்படுத்துகிறது. 
• பல்வேறு உடல் பாகங்களிலிருந்து கொழுப்புப் பைகள் அகற்றப்படுவதால் சிறப்பாக இயங்க முடியும். கைகள், தொடைகள், வயிறு போன்ற பாகங்களில் அதிக கொழுப்பு படிந்ததால், நடமாட்டத்தை கட்டுப்படுத்தப்படலாம். எனவே, இந்த உடல் பாகங்களில் இருந்து கொழுப்பு நீக்கப்படும் போது, மீண்டும் இயங்க முடியும். 
• அதிகப்படியான கொழுப்பு படிவங்கள் காரணமாக ஏற்படக்கூடிய கடுமையான உடலநலப் பிரச்சினைகளைத் (பொதுவாக உடல் பருமனுடன் தொடர்புடையது) தடுக்கிறது.

கொழுப்பு நீக்கப்படாமல் இருந்தால் என்ன ஆகும்?

குறைக்க முடியாத கொழுப்பை நீக்குவது உங்கள் ஆரோக்கியத்தில் பெரிய தாக்கத்தை ஏற்படுத்தாது. இருப்பினும் அது உங்கள் தன்னம்பிக்கையை பாதிக்கலாம். நீங்கள் முன்பு அணிந்திருந்த அதே ஆடைகளை அணிவது உங்களுக்கு சௌகரியமாக இருக்காது, மேலும் கூடுதல் எடை காரணமாக நீங்கள் கேலி செய்யப்படலாம் என்ற பயத்தில் மக்களுடன் பழகவும் தயங்கலாம். உடல் எடை மற்றும் வடிவத்தைப் பற்றி சுய-உணர்வுடன் இருப்பது, மக்கள் லிபோசக்ஷன் சிகிச்சைக்கு செல்வதற்கான முதன்மையான காரணம் ஆகும்.

லிப்போசக்ஷனுக்குப் பிறகு குணமடைதல் மற்றும் முடிவுகள்

லிப்போசக்ஷன் அறுவை சிகிச்சையிலிருந்து குணமாவது இரண்டு காரணிகளைச் சார்ந்துள்ளது. முதலாவது, நோயாளிகளின் ஒட்டுமொத்த ஆரோக்கியம், இரண்டாவது, கொழுப்பை அகற்ற பயன்படுத்தப்பட்ட உத்தி. 

நீங்கள் நல்ல உருவத்தில் இருந்து, எந்த மருத்துவ நிலையும் இல்லாமல் இருந்தால், அறுவை சிகிச்சை மூலம் விரைவில் குணமாவீர்கள் மற்றும் விரைவில் நீங்கள் எதிர்பார்த்த பலன் கிடைக்கும். 

இரண்டாவது காரணி, லிப்போசக்ஷன் அறுவை சிகிச்சையின் போது எவ்வளவு ஊடுருவல் தேவையானது என்பதை தீர்மானிக்கிறது. உதாரணமாக, நீங்கள் டியூமசென்ட் அல்லது மின்சார உதவியுடன் லிபோசக்ஷன் செய்து கொண்டால், இந்த செயல்முறையின் ஊடுருவும் தன்மை அதிகமாக இருக்கும். எனவே, மீட்பு விகிதம் மெதுவாக இருக்கும், மேலும் நீங்கள் சரியாக குணமடைய சுமார் 4-6 மாதங்கள் தேவைப்படும் மற்றும் லிபோசக்ஷன் சிகிச்சையின் கண்ணுக்குப்புலப்படக் கூடிய விளைவுகளைக் காண கூடுதலாக 2-3 மாதங்கள் தேவைப்படும்.

இது போல இல்லாமல், லேசர் உதவியுடனோ, அல்ட்ரா சவுண்ட் உதவியுடனோ லிபோசக்ஷன் செய்து கொண்டால், குணமடையும் விகிதம் அதிகமாக இருக்கும். இவை உங்கள் உடலை விரைவாகக் குணப்படுத்த அனுமதிக்கும் குறைந்தபட்ச ஆக்கிரமிப்பு நடைமுறைகள் மற்றும் கொலாஜன் உற்பத்தியை மேம்படுத்துவதன் மூலம் தோல் அமைப்பையும் அதிகரிக்கும். 

நீங்கள் எந்த வகையான லிபோசக்ஷன் செய்து கொண்டிருந்தாலும், ஒவ்வொரு வகை லிபோசக்ஷனின் குணமாகும் விகிதத்தைப் பற்றி பிளாஸ்டிக் அறுவை சிகிச்சை நிபுணருடன் விவாதித்து, பின்னர் உங்களுக்குச் சிறந்த முறையில் செயல்படும் முறையைத் தேர்ந்தெடுக்கலாம். 

லிபோசக்ஷன் செயல்முறையின் முடிவுகள் தெளிவாக கண்ணுக்குப் புலப்பட சிறிது காலம் ஆகும். வீக்கம் தணிந்த பின்னர் கொழுப்பு இழப்பை ஓரளவு காணலாம். ஆனால் சரியான உணவு மற்றும் உடற்பயிற்சியை மேற்கொள்ளும் போது இறுதி முடிவுகள் தோன்ற சுமார் 2-3 மாதங்கள் ஆகும். அப்போது உங்கள் உடல் வடிவம் மற்றும் வளைவுகளில் ஏற்படும் மாற்றங்களை தெளிவாகப் பார்க்க முடியும்

லிப்போசக்ஷன் அறுவை சிகிச்சைக்குப் பிறகு குணமடைவதற்கான குறிப்புகள்

மருத்துவர் உங்களுக்கு ஒரு விரிவான வழிகாட்டியை வழங்குவார், அதில் உணவுத் திட்டம், உடற்பயிற்சி மற்றும் நீங்கள் எதிர்பார்க்கும் முடிவுகளைப் பெற நீங்கள் பின்பற்ற வேண்டிய பிற வழிகாட்டுதல்கள் ஆகியவை அடங்கும்.

லிபோசக்ஷன் அறுவை சிகிச்சையின் அனைத்து நன்மைகளையும் பெற, இந்த குறிப்புகள் உங்களுக்கு உதவும்:

• குறைந்தது 21 நாட்களுக்கு, உங்கள் தசைகளை அழுத்துவதும் குணப்படுத்தும் செயல்முறையை சீர்குலைக்கும் படியுமான எந்த வகையான கடினமான செயல்களையும் செய்வதைத் தவிர்க்கவும். 
• உங்கள் மருத்துவர் அனுமதிக்கும் வரை தொடர்பு விளையாட்டுகளில் பங்கேற்பதைத் தவிர்க்கவும். 
• புரதம், வைட்டமின்கள், தாதுக்கள், புதிய பழங்கள் மற்றும் காய்கறிகள் நிறைந்த சத்தான உணவுகளை சாப்பிட வேண்டும்.
• உடலில் நீர்ச்சத்து குறையாமல் பார்த்துக்கொள்ளவும். தண்ணீர், பழச்சாறு, சூப் போன்ற திரவ உணவுகளை அதிகம் குடிக்க வேண்டும். 
• விரைவாக குணமடைய, போதுமான ஓய்வு தேவை ஒவ்வொரு நாளும் குறைந்தது 8-9 மணிநேரம் நேரம் தூங்க வேண்டும். 
• அரிக்கும் உணர்வு ஏற்ப்படும் போது கூட புண் அல்லது சுற்றியுள்ள பகுதியை அரிக்கவோ அல்லது தேய்க்கவோ கூடாது. 
• குறைந்தது 2-3 வாரங்களாவது, வீக்கத்தைக் குறைக்கவும், தசைகளை சரியான இடத்தில் வைத்திருக்கவும் உதவும் சுருக்க ஆடையை நீங்கள் அணிய வேண்டும். 
• இறுக்கமான ஆடைகளை அணிவதை தவிர்க்க வேண்டும். ஏனெனில் அவை சருமத்தில் எரிச்சலை ஏற்படுத்தும். 
• உங்களுக்குப் பரிந்துரைக்கப்பட்ட மருந்துகள், உணவுக் கட்டுப்பாடு போன்றவற்றை மருத்துவரிடம் ஆலோசனை பெற்ற பிறகே சாப்பிடத் தொடங்க வேண்டும். 
• அறுவை சிகிச்சை நிபுணரிடம் சரியான தொடர் ஆலோசனை பெற்று லிபோசக்ஷன் செய்த பிறகு உங்கள் உடல் சரியாக குணமாகுகிறதா என்பதை உறுதி செய்து கொள்ளவும்.

கேஸ் ஸ்டடி

ஜூலை 19 அன்று, ஜோதி கன்னா என்ற நோயாளி வயிற்று கொழுப்பைப் பற்றிய அவரது கவலைகள் குறித்து ஒரு அழைப்பு மூலம் எங்களைத் தொடர்பு கொண்டார். சுமார் ஒரு வருடமாக அவர் தன் வயிற்று கொழுப்பை குறைக்க முயற்சித்து வந்தார், ஆனால் எந்த பலனும் இல்லை. அவரது எல்லா முயற்சிகளும் வீணானது. அப்போதுதான் அவள் எங்களைத் தொடர்பு கொள்ள முடிவு செய்தார். 

குர்கான் மற்றும் தில்லி என்சிரில் உள்ள சிறந்த பிளாஸ்டிக் அறுவை சிகிச்சை நிபுணர்களில் ஒருவரான டாக்டர் அஸ்வானி குமாருடன் அவரை இணைத்தோம். அவர் அந்த நோயாளியை பரிசோதித்து, அவர் லிபோசக்ஷன் அறுவை சிகிச்சைக்கு ஏற்றவர் என்பதை உறுதி செய்தார். அவர் ஒட்டுமொத்தமாக ஆரோக்கியமாக இருந்தார், புகைபிடிப்பது அல்லது குடிப்பது போன்ற பழக்கம் அவருக்கு இல்லை. அவரது சம்மதத்துடன் அடுத்த ஒரு வாரத்தில் அவருக்கான லிபோசக்ஷன் சிகிச்சையை மருத்துவர் திட்டமிட்டு அந்த சிகிச்சையை மேற்கொண்டார். 

சிகிச்சை செய்த அதே நாளில் வீட்டுக்குச் சென்ற ஜோதி, ஒவ்வொரு இரண்டு வாரங்களுக்குப் பிறகும் டாக்டர் அஸ்வானியிடம் தொடர் ஆலோசனை பெற்றார். இப்போது, அவர் முழுமையாக குணமடைந்து விட்டார். வயிற்றுப் பகுதியில் இருந்த கொழுப்பு முற்றிலும் போய்விட்டது. அவர் தன் உடலை நன்கு கவனித்துக் கொண்டு, மருத்துவர் சொன்ன அனைத்து அறிவுரைகளையும் பின்பற்றினார். அவரது அர்ப்பணிப்பின் காரணமாக, மூன்று மாதங்களுக்குள் அவர் விரும்பிய முடிவுகளை அடைந்தார்.

Your Form Has Been Submitted Successfully.

Our care coordinator will call you shortly.